Ambasadori i Gjermanisë në vend Helmut Hoffman deklaroi se me miratimin e reformës në drejtësi, Shqipërisë do t’i jepet një vlerësim pozitiv në negociatat për integrimin në Bashkimin Europian.
Deklarata u bë gjatë çeljes së forumit Shqipëri- Serbi në qytetin e Durrësit.
“Kemi shprehur besimin se do të miratohet reforma në drejtësi dhe ne shpresojmë në miratimin e saj. Kur themi reformë në drejtësi, flasim për rëndësinë e saj. Procesi për hyrjen në BE duhet kohë të zhvillohet. Nëse miratohet reforma pres që komisioni të dalë në një rezultat pozitiv për hapjen e negociatave.”- tha Hoffman.
I pranishëm në eveniment ishte edhe kreu i kuvendit Ilir Meta, i cili vuri theksin tek marëdhëniet e Shqipërisë dhe Serbisë, duke thënë se pavarësisht se vendi ynë i ka hequr vizat me Serbinë, këta të fundit ende nuk e kanë bërë diçka të tillë.
“Shqipëria i hoqi vizat me Serbinë, ndërsa Serbia ende jo”, tha Meta.
javanews. a.k
