Nis procesi ndaj shqiptarit Zef Lleshi, në akuzë për shkaktim të vrasjes së gruas së tij, Silvana Hyseni, e cila gjeti vdekjen pasi ra nga kati i nëntë i pallatit ku banonin. Ngjarja ka ndodhur në 2013 në Milano dhe që atëherë shqiptari u përfol se ishte ai shkaktari.
E hodhi burri nga kati i nëntë, apo u hodh vetë duke i dhënë fund jetës? Këtë do ta vendosë gjykata, e cila ka nisur shqyrtimin e cështjes në fjalë.
Mediat italiane raportojnë se akuza bën përgjegjës për ngjarjes bashkëshortin shqiptar, Zef Lleshi, 32-vjecar, pasi ka dokumentuar se para ngjarjes çifti kishte konsumuar sherri e radhës.
Duke iu referuar hetimeve, mediat shkruajnë se gruaja u gjet e pajetë në një hapësirë ndarëse mes kateve, ç’ka lë të dyshosh se me gjasë nuk ka qenë një hedhje e vullnetshme.
Ndërkohë që në trupin e burrit, u gjetën shenja gërvishtjesh, që sipas akuzës duket të jenë shenjat e mbrojtjes së gruas për të mos u lëshuar, teksa ai po e hidhte.
Në banesë u gjet një gotë e thyer përtokë dhe vazo lulesh përtokë që sipas hetimeve vlerësohen si shenja të një sherri të ndodhur.
Nga ana e tij, shqiptari që ndodhej jashtë vendit me punë, por që u kthye të marrë pjesë në proces mohon akuzat dhe së bashku me avokatin e tij Francesco Mongiu ka paraqitur prova që sipas tij mbështesin versionin e vetëvrasjes së gruas.
Procesi nisi pas denoncimit të bërë nga nëna e viktimës, Lana, që dje u or në pyetje në gjykatë. “vajza ime la vendin ku rrinte dhe ndoqi Zefin, i cili nuk punonte dhe ajo nisi të prostituonte. Ajo më tha se megjithëkëtë ai kishte gjetur një grua tjetër në Shqipëri. Ajo ishte xheloze, ai inatosej dhe e keqtrajtonte. Madje janë zënë edhe në syrin tim dhe ai i futi thonjtë në fyt”, ka thënë ajo.