Tre persona u arrestuan nga policia e Tiranës pasi akuzohen se hodhën në treg para të falsifikuara. Ata janë Viard Kotori 29 vjeç, banues në Tiranë, Etmond Dokushi, 32 vjeç, banues në Kavajë, dhe Ervin Kamolli, 32 vjeç, banues në Rrogozhinë.
Burime bëjnë të ditur se personat në fjalë kanë hedhur në qarkullim rreth 3650 Dollarë amerikanë. Klan ka siguruar edhe foton e njërit prej të dyshuarve, ndërsa shton se treshja akuzohen se kanë thyer para në disa pika “Exchange”, në Tiranë dhe në rrethe, si Korçë, Lezhë e Elbasan.
Në njoftimin e saj për mediat policia thotë se vijojnë hetimet për dokumentimin e plotë të këtij aktiviteti kriminal. Hetimet për rastin në fjalë nisën disa javë më parë, bazuar dhe në informacionet e marra në rrugë operative.
/a.r
