Finlanda ka shkruar historinë në futboll për meshkuj. Kombëtarja skandinave ka impresuar në fazën e grupeve të Euro 2020, duke u kualifikuar si e dyta e grupit. Fitorja 3-0 ndaj Lihtenstejn në helsinki i lejoi që të festojnë edhe matematikisht kualifikimin në Europianin e vitit të ardhshëm.
Në nëntë takime, Finlanda ka grumbulluar 18 pikë, 6 më pak se Italia kryesuese dhe 7 më shumë se Greqia, kundërshtari i fundit i saj. Pranë historisë ishte dhe Kosova, me “dardanët” që ishin afër kualifikimit në mënyrë direkte në Europian, por humbja 2-1 nga Çekisë zbehu gjithçka.
Gjithsesi, vëllezërit tanë nga Kosova do të tentojnë gjithçka në muajin mars, kur të luajnë fazën play-off të Ligës së Kombeve.
E pavlerë fitorja minimale 0-1 e Greqisë në Jerevan përballë Armenisë vendase, në ndeshjen që u vendos nga një gol i Limnios në pjesën e parë të takimit. Grekët u ngjitën në vendin e tretë me 11 pikë dhe ku triumf mund të vlejë vetëm për t’u renditur sa më lart, por jo për t’i dërguar në Europian.
Norvegjia bëri detyrën në ndeshjen përballë Ishujve Faroe, ku fitoi 4-0, me nga dy gola të shënuar në çdo pjesë loje, duke rihapur tërësisht shanset për një kualifikim të mundshëm në Europianin 2020.
Megjithatë në këtë grup favorite është Spanja, që pritet të sigurojë kualifikimin matematikisht sonte në përballjen me Maltën, ndërsa Suedia, Norvegjia e Rumania do të diskutojnë deri në ndeshjen e fundit për një vend.
g.kosovari
