Kryesia e Lidhjes se Historianëve të Kosovës “Ali Hadri” dega në Deçan, thotë se me shqetësim të madh është duke e përcjellë procesin kontestues në mes të qytetarëve dhe Komunës se Deçanit në njërën anë dhe Sava Janjiqit dhe Manastirit të Deçanit në anën tjetër për pronat kontestuese të ndërmarrjeve “Apiko” dhe “Iliria”.
Sipas LHK “Ali Hadri”, dega në Deçan, tentativa e fundit për të tjetërsuar këto pronë në favor të Manastirit të Deçanit me vendimin e Agjencisë Kosovare për Privatizim, është tentim i pa pranueshëm dhe i pazbatueshëm.
“Çdo eskalim i situatës së sigurisë në Deçan, pas datës 21 prill 2017, nuk do të jetë më përgjegjësi e jona, ajo do të jetë përgjegjësi e institucioneve qendrore të Kosovës të cilat as që kanë dashur të marrin vësh për këtë problem në Deçan”, thuhet në reagimin e kësaj shoqate. (b.an)
