Një vajzë 16-vjeçare, e cila është rritur me shumë vështirësi ekonomike në familjen e saj, është shfrytëzuar për prostitucion nga i dashuri i kushërirës së saj. Ngjarja ka ndodhur në Tiranë, ku vajza kishte ardhur për të punuar ku fillimisht shkoi pranë një lokali duke deklaruar se ishte 18 vjeçare dhe jo 16 sa ishte në fakt.
Rasti u bë publik në emisionin “Stop” ku pas rrëfimit të saj policia e Fierit ka vënë në pranga dy persona, të cilët dyshohet se janë të përfshirë në këtë ngjarje. Sipas policisë, bëhet e ditur se Klodian Kiptiu, 38 vjeç dhe S. Muaxhiri, 18 vjeç që të dy nga qyteti i Lushnjës, i kanë ndaluar dy personat, pasi në bashkëpunim me njëri-tjetrin kanë shfrytëzuar për prostitucion në rrethana rënduese vajzën e mitur A.S., 16 vjeçe, me banim në Lushnjë.
Ja njoftimi i policisë
Drejtoria Vendore e Policisë Fier, duke marë dijeni nga emisioni investigativ “STOP”, menjëhere organizoi shërbimet e policisë, të cilat bënë të mundur kapjen dhe ndalimin e shtetasve:
Klodian Kiptiu, 38 vjeç, banues në Lushnje.
S. Muaxhiri, 18 vjeçe, banuese në Lushnje.
Ndalimi i tyre u bë pasi të dy, në bashkëpunim, kanë shfrytëzuar për prostitucion në rrethana rënduese shtetasen e mitur A.S., 16 vjeçe, me banim në Lushnje.
Materialet do t’i kalojnë Prokurorisë Lushnje për hetim të mëtejshëm.
Drejtoria Vendore e Policisë Fier falënderon emisionin “STOP” për bashkëpunimin, si dhe të gjitha mediat e qytetarët që ndihmojnë policinë në përmbushjen e detyres së saj në luftën ndaj krimit e paligjshmërisë.
Denoncimi i vajzes
Në emisionin investigativ “STOP” sot u trajtua historia tronditëse e një 16 – vjeçareje, e cila detyrohet të prostituojë nga i dashuri i kushërirës së saj. Adoleshentja e rritur në një familje me vështirësi dhe probleme të shumta ekonomike, rrëfen historinë rrënqethëse.
Për shkak të vështirësive ekonomike në të cilën ndodhej familja e saj, ajo është detyruar të kërkojë punë në një lokal duke gënjyer për moshën e vërtetë. Pikërisht kjo u bë shkak që historia e saj të bëhet publike, pasi punonjësja e lokalit ka denoncuar rastin në emisionin “STOP”.
16 – vjeçarja deri më sot nuk ka guxuar ta denoncojë rastin e saj në polici nga frika.
Gazetarja: Përse kërkuat që emisioni “STOP” të vijë në qytetin e Durrësit?
Punonjësja: “Unë jam punëtore në një lokal. Vajza ka ardhur ka kërkuar ndihmë për punë, e kemi marrë në punë. Na ka thënë jam 18 – vjeçe, e kam mbushur moshën. I besuam sepse nën moshë ne nuk marrim absolutisht, sepse është e ndaluar. E morëm në punë 3 ditë, kërkoi shtëpi me qera. E pashë se ishte si e vogël edhe i thashë, do të rrish në shtëpinë time, unë jam e martuar, hajde të rrish në shtëpinë time sa të marrësh veten sepse nuk kishte mundësi. Në rregull tha, po rri. Pastaj, na bën një telefonatë një person. Ai na thotë, sillni vajzën sezbën.
Gazetarja: Kush ishte ai?
Punonjësja: “Ai person me sa di unë e shfrytëzon vajzën. Vajza e pranon dhe gjyshja e vet, e kemi takuar personalisht dhe thotë që e shfrytëzon”.
Gazetarja: Për çfarë e shfrytëzon?
Punonjësja: “Për prostitucion”.
Gazetarja: Pastaj çfarë ndodhi?
Punonjësja: “Pastaj e morëm vajzën sepse u shqetësuam. Shkuam tek gjyshja e vet, kishte gjyshen 75 – vjeçe të paralizuar, mamanë kaluar në depresion 50-vjeçe. I kemi thënë gjyshes se vajza juaj ka ardhur për punë. Po, tha e kemi dërguar për punë sepse jemi në gjendje të keqe ekonomike. Po atëherë I themi ne kush është ai person që na ka telefonuar, që ne morëm këtë rrugë? Tha ai person vjen dhe e shqetëson pasi vajzën do ta nxjerri në rrugë”.
Stafi i emisionit u nis drejt qytetit të Lushnjes për të marrë prononcimin e vajzës 16 – vjeçare A.S.
Gazetarja: Sa vjeçe je?
Vazja: “16 e gjysmë.”
Gazetarja: Vazhdon shkollën? Në kohën e lirë me se merresh, si e mbush ti ditën?
Vajza: “Unë nuk shkoj në shkollë.”
Gazetarja: Me kë jeton këtu në shtëpi?
Vajza: “Me nënën dhe mamin.”
Gazetarja: Po babi ku është?
Vajza: “Është i ndarë.”
Gazetarja: Kam dëgjuar që është një person i cili ka shprehur dëshirën të të ketë dhe ka kërkuar të të trafikojë, sa e vërtetë është?
Vajza: “Po, unë vajta njëherë në punë dhe më merrte në telefon dhe më thoshte hajde në Lushnje, unë nuk shkoja. Më thoshte hajde se do të punosh për mua prostitutë. Unë nuk doja, por kisha frikë, dhe për ta denoncuar nuk e kam denoncuar sepse kisha frikë se mos më rreh, ai gjuan, pi dhe të kuqe.”
Gazetarja: Kush është ai që kërkon të të nxjerrë në rrugë?
Vazja: “Klodian Kiptiku.”
Gazetarja: Është i dashuri yt apo një i njohur?
Vazja: “Është i dashuri i kushërirës time.”
Gazetarja: Më trego pak momentin e takimit, si është një ditë kur takohesh ti me Klodianin?
Vajza: “Po, kam shkuar e kam takuar dhe pastaj më çonte nëpër hotele.”
Gazetarja: Të çonte nëpër hotele me meshkuj të ndryshëm?
Vajza: “Dy herë me të njëjtin, pastaj herën e tretë me tjetër.”
Gazetarja: Të ka dhënë para në shkëmbim?
Vajza: “Jo, i mbante për vete.”
Gazetarja: Prej sa kohësh e njeh këtë person?
Vajza: “Prej 6 muajsh.”
Gazetarja: Po kur takohesh me Klodin, çfarë të thotë?
Vajza: “Do të shkosh me këtë, do të shkosh me atë. Unë nuk dua të shkoj, por ai më godet dhe nga frika unë shkoj.”
Gazetarja: Të ka dhunuar?
Vajza: “Më ka goditur disa herë.”
Gazetarja: Të detyron ky që domosdoshmërisht të shkosh në shtrat me persona?
Vajza: “Po.”
Gazetarja: Po këto 3 ditë pse je larguar nga shtëpija?
Vajza: “Jam larguar sepse unë nuk dua që të rri me të.”
Gazetarja: Vjen të kërkon në shtëpi ai dhe të merr?
Vajza: “Jo më merr në telefon, unë nuk dua, pastaj vjen kushërira këtu edhe më thotë hajde se të kërkon Klodi, se do të vijë këtu dhe do të rrahë.”
Gazetarja: Të ka thënë ndonjëherë se mund të të çojë edhe jashtë shtetit?
Vajza: “Po më ka thënë, pasaportën ta bëj unë tha, por merri prokurën babit dhe hajde ikim.”
Gazetarja: Në çfarë shteti?
Vajza: “Në Hollandë.”
Gazetarja: Çfarë do të bënit ju atje?
Vajza: “Prostitutë.”
Gazetarja: Ta ka thënë vetë me gojën e tij?
Vajza: “Po ma ka thënë.”
Gazetarja: Çfarë të ka thënë konkretisht?
Vajza: “Më ka thënë që do punosh në Hollandë dhe në Itali. Nuk dua unë që të shkoj sepse nuk është për mua, jam e vogël.”
Gazetarja: Në polici ke vajtur për ta denoncuar?
Vazja: “Jo sepse kam frikë.”
Gazetarja: Pse ke frikë?
Vajza: “Kam frikë se po vajte do të vras thotë. Takohem dhe ai më thotë mua do të shkosh me këtë çunin, unë nuk shkoj ai më godet pastaj.”
Gazetarja: Në momentin që ti refuzon ai ushtron dhunë ndaj teje?
Vajza: Po. Ky është 38 vjeç. Kur më çon mua me meshkuj merr nga 50 euro.
Gazetarja: Ty nuk të jep asgjë?
Vajza: Jo. Ky është I martuar ka një grua me 3 fëmijë, është martuar dhe njëherë tjetër e ka çunin 18 vjeç në Itali. Ka edhe këtë kushërirën time. Mamin e kam të sëmurë, nënën e kam të paralizuar, vëllain e kam në burg.
Gazetarja: Ti je fare e pambrojtur?
Vajza: Po. Jeta ime po shkatërrohet.
Faktin tronditës të shfrytëzimit të mbesës e pohon edhe gjyshja e saj…
Intervista e gjyshes:
Gazetarja: Jeni në dijeni se çfarë po ndodh me mbesën tënde, me kë shoqërohet?
Gjyshja: Po ja tek ky shkon, tek Klodi. Ky e paska marrë në telefon, unë nuk dija gjë. Unë nuk kam telefon të marr. Pastaj vjen e merr mbesën, merr këtë dhe ikën, mua më rrëzoi më rrahu dhe iku.
Gazetarja: Kush të rrahu?
Gjyshja: Ajo që rri tek Klodi.
Gazetarja: Përse të rrahu ajo?
Gjyshja: Më rrahu sepse erdhi këtu, i tha mbesës vishu shpejt edhe mi bëri plaçkat pastaj rrëmujë, I tha vishu shpejt e shpejt se ku e çoi nuk e di. Ajo më goditi dhe më rrëzoi.
Gazetarja: Cila është frika jote më e madhe se çfarë mund t’i ndodhë mbesës tënde?
Gjyshja: Se mos ma marrin andej se di ku mund të ma çojnë vajzën.
