Imazhi prekës i publikuar në “Facebook” nga një qytetar, i një burri të moshuar që çdo ditë çon gruan e tij në plazh është bërë viral. Fotoja është shumë prekëse, duket se ky burrë nuk e ka pranuar ndarjen nga jeta të bashkëshortes që e ka dashur aq shumë. Madje ai ende mendon dhe vepron sikur ajo të ishte gjallë.
Mediat Italiane shkruajnë, se si ai e merr atë në një foto dhe vendos kornizën diku buzë detit dhe qan sepse ajo nuk është më, nuk mund ta shohë më detin dhe nuk mund të ndjej më aromën e tij. Duket se çifti adhuronte detin dhe shëtitjet buzë tij.
“Unë nuk e kam njohur më parë këtë njeri të mrekullueshëm, por vetëm di që dashuria e tij është shumë e madhe, e pashë të qajë dhe besoj se burrat e këtij lloji nuk kanë lindur më”, shkruan në postimin e tij Giorgio Moffa, pronar i restorantit “Antica pizzeria Ciro” në bregdetin e Gaetit. /b.d
