24 – vjeçari, i cili humbi tragjikisht jetën të dielën, pasi kishte dalë në dritaren e trenit Gatwick Express, me të cilin udhëtonte, ishte një “fanatik trenash”, që sapo kishte nisur punë si inxhenier hekurudhor.
Simon Brown nga East Grinstead, Sussex, ndodhej në dritate, kur pranë mjetit kaloi një tjetër tren duke i prerë kokën.
Sot, “DailyMail” zbulon një foto nga profili i të riut në Facebook, ku shfaqet një person që qëndron me duart dhe kokën jashtë një treni në lëvizje.
Nuk dihet nëse ishte vetë i riu në foto apo dikush tjetër. Ndëkohë, autoritetet kanë nisur hetimet mbi rrethanat sesi ndodhi ngjarja në fjalë.
Dëshmitarë thanë se 24 – vjeçari kishte nxjerrë kokën jashtë në dritare duke mos e vënë re trenin tjetër që po vinte. Ata e përshkruajtën ngjarjen si një skenë horror./tvklan.al/a.k
