Një 50-vjeçar italian prej disa javësh po eksploron historinë e pellgut Mesdhetar në bordin e një kajaku me gjatësi 5.5 metra.
Salvatore Bartoli, është nisur dy muaj më parë nga porti i Palermos mbi një barkë të vogël me rrema, me gjatësi 5.5 metra dhe pasi ka lundruar një pjesë të madhe të bregdetit Adriatik, duke përshkruar brigjet e Italisë, Sllovenisë, Kroacisë dhe Malit të Zi ka mbërritur këto ditë në Durrës.
Sipas Bartolit, turet e tij vetmitare kanë tema të ndryshme me karakter historik.
“Pasi kam lexuar mjaft të dhëna të tjera, edhe në Durrës unë jam vënë në kontakt me historianë dhe arkeologë, të cilët po më njohin me historinë e këtyre brigjeve”, tha Bartoli.
Që nga viti 2003 Bartoli, me profesion jurist në qytetin e Palermos, ka ndërmarrë disa misione të ngjashme detare në zona të tjera të Mesdheut, përfshirë Greqinë dhe Turqinë./a.m.
