Dhuna në familje ëhstë një fenomen që njeh vetëm rritje. Çdo ditë e më shumë raportohen raste dhune në familjet shqiptare. Por, së fundi, ajo që bie në sy është rritja me shpejtësi e rasteve të dhunimit të prindërve nga fëmijët.
Një rast i tillë ëhstë edhe denoncimi që ka bërë në polici një 57-vjeçar nga Tirana. Ai ka denoncuar vajzën e tij 22-vjeçare për dhunë. Kjo situatë e babait 57-vjeçar zgjaste prej kohësh. Ai kërcënohej dhe dhunohej psikologjikisht nga personi që i fali jetën, vajza e tij.
Pasi ka duruar për një kohë të gjatë, situata për babain e dhunuar u bë e padurueshme, derisa ai vendosi t’i drejtohej policisë. Para uniformave blu ai tregoi me detaje se si kërcënohej nga vajza 22-vjeçare prej kohësh. Shtetasi I.O. deklaroi se nuk ndihej i sigurt në shtëpi nga dhuna e përsëritur e vajzës së tij raporton javaNews.
Pas denoncimit, uniformat blu lëshuan urdhër të menjëhershëm mbrojtjeje për 57-vjeçarin me inicialet I.O. Ndërkohë, prokuroria pritet të ndjekë më tej hetimet ndaj vajzës së tij, shtetases me inicialet S.O./JavaNews/a.m.
