Ministrja e Bujqësisë dhe Zhvillimit Rural, Anila Denaj ka deklaruar se institucioni përgjeëgjës për analizat laboratorike është ISUF. Pyetur nga gazetarja e RTSH, Denada Shkodrani mbi një plan veprimi të mundshëm nga Ministria e Bujqësisë dhe institucionet në varësi të saj për garantimin e cilësisë ushqimore, Denaj u shpreh se duhet hequr dorë nga produktet jo të certifikuara.
Ministrja u ndal edhe te videot e publikuara së fundmi në rrjetet sociale mbi përmbajtjen e lartë të nitratit në disa produkte.
“Jam e sigurt që ka disa pyetje të lidhura si rezultat i disa videove të publikuara së fundmi. Institucioni përgjegjës për analizat laboratorike është ISUF.
Institucion Shtetëror që për 11 vite është fokusuar në akreditimin e testeve laboratorike. Kemi 1631 certifikime të akredituara nga BE.
Certifikimi i produkteve ndodh edhe përmes sektorit privat. Ne sigurojmë konfiencialiteti i produkteve të certifikuara në laboratorët tanë, por e përdorim informacionin për të gjurmuar se në cilën fermë mund të ketë produkte me përmbajtja më të lartë të produkteve si nitrati.
Duhet të hetim dorë nga produktet jo të certifikuara”, tha Denaj.
Ministrja bëri me dije gjithashtu se në mbledhjen e sotme të Këshillit të Ministrave u miratua pr.ligji i cili organizon rregullat e qarta për produktet organike të prodhuara në Shqipëri të cilat po përgatiten dhe do hidhen në tregun shqiptar sipas standardeve të BE-së.
“Miratuam pr.ligjin i cili organizon rregullat e qarta për produktet organike të prodhuara në Shqipëri të cilat po përgatiten dhe do hidhen në tregun shqiptar sipas standardeve të BE-së.
Në këtë pr.ligj rregullohen parimet për certifikimin e operatorëve organikë që do prodhojnë produkte organike; përdoruesin e treguesve që i referohen prodhimit organik me etiketën dhe reklamimin; rregullat e kontrollit zyrtar në çdo fazë.
Në këtë pr.ligj janë përcaktuar autoritetet përkatëse të cilat do të kenë kontrollin zyrtar në çdo hallkë të zinxhirit të prodhimit organik.
Ligji siguron miratimin e listës së produkteve për mbrojtjen e bimëve dhe produkteve plehëruese dhe publikimin e listës sipas standardeve të transparencës. Ligji parashikon ngritjen e një sistemi elektronik i cili do menaxhohet në ministrinë tonë dhe mundësojnë vetë deklarimin e të dhënave për gjendjen në treg të inputeve të fermës.
Miratimi i këtij ligji fillon zbatimin menjëherë nga viti i ardhshëm dhe synojmë miratimin në parlament brenda këtij viti”, bëri me dije ministrja.
/a.r
