Matematikani i njohur italian Piergiorgio Oddifredi hedh dyshime të rënda rreth epidemisë së Covid 19 që ka goditur Italinë, fuqisë së këtij virusi dhe prejardhjes së tij. Oddifredi thotë se përqindja e vdekshmërisë së këtij virusi në Itali është rreth 6%, ndërkohë që në Kinë dhe vendet e tjera ajo sillet tek tre përqindët.
Kjo i jep sipas profesor Oddifredit, terren hipotezës së hedhur edhe nga Instituti Italian i Shëndetësisë, që supozon se ky virus nuk ka lidhje me atë kinez. Pra është një virus më vete dhe si i tillë, thotë Oddifredi, duket shumë agresiv.
Oddifredi kalkulon, në bazë të krahasimit me gripin sezonal, se Covid 19, nëse do të ruante vdekshmërinë aktuale, mund të bënte rreth gjysëm milioni viktima vetëm në Itali. “Nga gripi sezonal vdes një person në një mijë, kurse nga koronavirus aktuale vdesin 60 herë më tepër”, tha Oddifredi.
Profesori thë se deklarata e Merkel rreth infektimit të mundshëm të 70% të gjermanëve, tingëllon realiste. Merkel merr vesh nga shifrat, ajo është fizikante, nuk ka folur në tym, deklaroi Oddifredi.
