Plazhi “Livadhi” në Himarë, duket se është përplasja më e re mes PBDNJ-së dhe kryebashkiakut të Himarës, Goro. Për mjaft kohë ky plazh është përfolur se ka qenë një zonë ekskluzive e vendimeve të ish kryetarit të bashkisë së Himarës, përfaqësues i PBDNJ-së, Vasil Bollano, duke lejuar një sërë ndërtimesh në këtë zonë. Shumë herë janë formuluar akuza në adresë të PBDNJ-së, për lejet e dhëna në plazhin “Livadhi” në Himarë. Por tani pas humbjes së Bashkisë së Himarës, është pikërisht PBDNJ që hidhet në sulm. Ajo akuzon kryetarin e Bashkisë Himarë Goro, që në emër të ashtëquajturës përkushtim në zbatimin e projektit të kryeministrit Rama për Himarën, “po dhunon dhe rrëmbimen më çdo formë e mënyrë të pronës së ligjshme të Himarjotëve”. Sipas PBDNJ-së ditët e fundit po tentohet fillimi i punimeve për ngritjen e një objekti të pa ligjshëm në zonën e Livadhit.
“Megjithëse nuk ka studim urbanistik për Livadhin dhe pavarësisht dokumentacionit të fallcifikuar, në shkelje flagrante Bashkia e Himarës jo vetëm që ka lëshuar leje ndërtimi të pa ligjshme por me strukturat e saj dhe në veçanti Policinë Bashkiake kërkon të behet garante e këtij projekti”, thuhet në deklaratën për shtyp të PBDNJ-së.
Sipas kësaj force politike, opinioni vendas por edhe faktori ndërkombëtar duhet të kthejë vështrimin nga aktet e përditshme të realizimit të planit të Ramës “që ka për synim ekskluziv tjetërsimin e statusit pronësorë në zonën më të gjerë të Bashkisë së Himarës në dëmë të banorëve vendas që janë edhe pronarët e ligjshëm”.
ma.me
