Një ngjarje tragjike ka ndodhur në orët e para të mëngjesit në qytetin e Himarës.
Një 39 vjeçar i quajtur Klajdi Shehaj pasi u rrëzua nga motori u transportua për në spitalin rajonal, por për shkak të plagëve të mëdha ka ndërruar jetë.
Më datë 03.07.2017, në orën 02:05, në Himarë, një shtetas duke udhëtuar me motor tip “Hamer” me targë TR 440 H, ka humbur kontrollin e mjetit dhe është përplasur me shtyllën anësore të rrugës.
Si pasojë, i dëmtuari është dërguar në Spitalin e Himarës në gjendje të rëndë shëndetësore por për shkak të dëmtimeve të marra ka ndërruar jetë në spital.
Policia ka bërë identifikimin e personit dhe trupi i pajetë i përket shtetasit Klajdi Shehaj 39 vjeç, banues në Tiranë.
Kryhen veprimet e mëtejshme në lidhje me rastin” bën me dije policia./a.m.
