Ministri i jashtëm grek, Nikos Kotzias, i pyetur nga gazetarët gjatë takimit që ka pasur me homologun polak, Vitold Waszcykowskin i cili ka vizituar dje Greqinë, ka komentuar edhe deklaratat e kryeministrit shqiptar Edi Rama.
Kotzias ka nënvizuar se historia mbështetet në fakte reale dhe jo në mite apo histori imagjinare.
“Kujt i pëlqen historia greke dhe kultura greke, ai është i mirëpritur. Vetëm mos të arrijë në pikën që të konsiderojë se këto janë ekskluzivisht të vetat dhe nuk janë greke”, u përgjigj Kotzias gjatë një konference për shtyp.
Pyetja: A keni ndonjë koment mbi raportet e fundit mbi historinë nga Kryeministri i Shqipërisë Edi Rama, për grekët dhe për simbolet kulturore.
Kotzias: Sa i përket historisë, unë e thashë dje, në një përgjigje analitike, unë mund të përsëris atë që kam thënë dje, se historia duhet të jetë një shkollë për të gjithë ne, jo burg. Me historinë duhet të sillemi me seriozitet dhe të jemi seriozë, dhe jo të mashtrojmë me dredhi dhe së treti, historia është e bazuar në fakte dhe jo në ‘fiction’ të mëvonshme.
Por dua të shtoj një koment sot, pas asaj që kam dëgjuar në lidhje me këtë.
Me shkakton krenari, kur një dijetar pakistanez thotë se ka një lidhje 2000 vjeçare me Greqinë, ai është një pasardhës i Aleksandrit të Madh. Unë nuk kam asnjë problem.
Edhe unë gjithashtu e di se Alexandria në Egjipt quhet Aleksandri. Pse do ta kam problem? Kushdo që i pëlqen kultura greke dhe historia greke, është i mirëpritur. Vetëm jo aq sa për t’u konsideruar se është e tija, se janë vetëm të tijat dhe jo greke. Pastaj me këto shkojmë në përfundime pa kuptim”/panorama/a.k
