Delegatët e Partisë Demokratike kanë nominuar për Presidente të SHBA-së kandidaten e tyre, Hillary Clinton.
Kanë qenë 2832 votat e delegatëve të New York-ut, Dakotës Jugore dhe shumë shteteve të SHBA-së, që ia kanë siguruar fitoren Clintonit.
Kundërshtari i Clintonit, Bernie Sanders ka marrë rreth 1000 vota më pak, i cili në shenjë uniteti të partisë, edhe është tërhequr prej garës për nominimin dhe kështu, me duartrokitje dhe pa kundërkandidat, Hillary fitoi nominimin për presidente të SHBA-së
Kjo është hera e parë në historinë e SHBA-së që një parti politike nominon një femër për Presidente.
Ndërsa, miliarderi Donald Trump, pak ditë më parë ka pranuar nominimin për president të Shteteve të Bashkuara në Konventën e Partisë Republikane.
Presidenti Jimmy Carter i dha mbeshtetje Clintoni-t, duke thënë se e njeh për dekada Hillaryn.
“Ajo ka pasur shumë sfida në jetë dhe të gjitha i ka kaluar me sukses. Hillary ka përkrahjen time dhe të Partisë Demokratike”, ka thënë ndër të tjerash, Carter. (b.an)
