Aksidenti që i mori jetën nënës dhe fëmijës së saj 6-vjeçar, ditën e djeshme në Berat i ka shokuar të gjithë. Ajo që u vu re fillimisht është se kangjellat e vendosura mbi urë nuk e kanë ndaluar makinën që të mos përfundojë në lumë.
Ndoshta pasojat tragjike të aksidentit mund të ishin shmangur nëse qytetarët e ndodhur në vendin e ngjarjes të kishin reaguar më shpejt.
Në lidhje me këtë ngjarje ka reaguar edhe gazetari i njohur Dritan Hila, i cili përmes një statusi në Facebook, shkruan se beratasit hidhen në lumin Osum që në janar për të kapur kryqin dhe hezituan të hidheshin në qershor për të shpëtuar dy jetë.
“Ju rroftë beratasve që në 6 janar hidhen për kryqin në Osum dhe nuk hidhen në qershor për të shpëtuar dy jetë.
Të kishte ndodhur në Shkodër do ishte hedhur gjysma e lagjes në Bunë pa u menduar dy herë”, shkruan Hila në postimin e tij./m.j
