Pas skandalit me e-mailet e publikuara të ish-sekretares amerikane të Shtetit, Hillary Clinton, në radhë është ish-kryeministri britanik, Tony Blair. Departamenti Amerikan i Shtetit ka vendosur të publikojë një listë me e-maile private të Tony Blair-it, ku përforcohet teza që qarkulloi në medie se ish-kryeministri britanik kishte një miqësi të ngushtë me diktatorin libian, Muammar Gadaffi.
Këto e-maile tregojnë se sa fort ka lobuar ish-kryeministri britanik për ta mbrojtur. Madje, ai i ka ndërmjetësuar me amerikanët e sidomos me Hillary Clinton-in për një paqe në Libi, duke justifikuar luftën e Gadaffit.
E-mailet janë provë për komunikimin e vazhdueshëm të Blair-it me mikun e tij libian, Gadaffi, në tentativë për të ndërmjetësuar paqen, pasi shpërtheu Lufta Civile në vitin 2011. Blair, në atë kohë i dërguari i paqes në Lindjen e Mesme, kërkonte shpëtimin e Gadaffit.
