Kalimi i pritshëm i Gonzalo Higuain nga Napoli te Juventusi ka ngjallur diskutime që i ka kaluar kufijtë e futbollit, për të arritur deri në dyert e kishës. Në Napoli nuk flitet për gjë tjetër këto ditë dhe përjashtim nuk bën as don Giuseppe Milo, në Agerola, i cili ka folur me besimtarët për sulmuesin.
“Napoletanët janë mërzitur sepse Juventus u mori Higuain, por unë sfidoj secilin prej jush, për aq pará, nuk do të iknit në skuadër tjetër? Po lërini këto… Është interesi që lëviz botën, me kë kujtoni se po talleni? Ai i shkreti pati një ofertë të mirë dhe e pranoi. Është mentaliteti njerëzor”, tha prifti, i cili duket që i paska sahanët pa kapak.
d.i.
