Napoli duhet të luajë pa Gonzalon Higuain katër ndeshjet e ardhshme në Seria A. Sipas Gazeta dello Sport, sulmuesi argjentinas do të dënohet me 4 ndeshje, çka do të thotë se ai do të mungojë në ndeshjet kundër Interit dhe Romës.
Pas kartonit të kuq të marrë në ndeshjen kundër Udineses ai reagoi shumë ashpër jo vetëm me lojtarët kundërshtarë, por edhe me gjyqtarin e takimit dhe bashkëlojtarët e tij dhe ky veprim i ka kushtuar jo pak.
