Është hedhur sot shorti për edicionin e ri në Serie A, ku skuadrat kanë mësuar kundërshtarët e tyre për edicionin e ri.
Kampioni i Italisë, Juventus ndeshjen e parë do ta zhvillojë në Juventus Stadium përballë Udineses. Ndeshja kryesore e javës së parë pritet të jetë ajo ndërmjet Fiorentinas dhe Milanit, ndërsa Interi do të luaj me Atalantan.
Roma dhe Napoli ndeshjet e para do t’i zhvillojnë në udhëtim përkatësisht përballë Veronas dhe Sassuolos.
Megjithatë për të parë ndeshjet më të zjarrta nuk duhet të presim shumë pasi që në javën e dytë, do të ketë përballje Roma-Juventus. Ndërsa një javë më pas do të jetë derbi i Milanos mes Milanit dhe Interit.
