Policia e Vlorës ka bërë të ditur se rreth orës 07:14, është marrë njoftimi se është gjetur një trup i pajetë në Qeparo.
Policia ka shkuar në vendngjarje dhe ka konstatuar se në dalje të Himarës pranë vendit të quajtur Qeparo (në drejtim të Borshit) pranë një shkëmbi, është gjetur një trup i pajetë, i cili i përket shtetasit: Lorenc Dhimuci, rreth 40 vjeç, banues në Himarë.
Të njejtat burime sqarojnë shtetasi i mësipërm vuante nga sëmundje mendore.
Dyshohet se ky shtetas është vetë hedhur nga shkëmbi, pasi nga ekspertiza paraprake rezulton se dëmtimet e marra në trup janë shkaktuar nga hedhja nga shkëmbi.
Grupi hetimor ndodhet në vendngjarje dhe po punon për sqarimin e rrethanave të ngjarjes.
BW/d.i.