Hidhet nga kati i 4-t i pallatit 29-vjeçari, në gjendje kritike për jetën
Një djalë i ri ka tentuar t’i japë fund jetës këtë mëngjes duke u hedhur nga kati i katërt i pallatit ku jetonte. Sipas burimeve zyrtare, mësohet se ngjarja ka ndodhur sot rreth orës 04:00, në lagjen Nr.16 në Durrës. Mësohet se shtetasi me iniciale A.S. 29 vjeç, është hedhur nga dritarja e katit të katërt të banesës së tij. Për pasojë ndodhet në gjendje serioze për jetën në Spitalin ”Ushtarak” në Tiranë. Menjëherë në vendngjarje ka shkuar grupi hetimor dhe po punon për zbardhjen e plotë të ngjarjes.
