Guus Hiddink mendon se për lojtarët e Chelseat sezoni tashmë ka përfunduar
Sipas trajnerit të Chelseat, Guus Hiddink, lojtarëve i ka humbur vullneti për të fituar teksa i ka paralajmëruar për ndeshjen me Manchester Cityn.
“Pas humbjes së fundit, eliminimit nga FA Cup e po ashtu edhe Liga e Kampionëve, morali i lojtarëve është tejet i ulët. Duket se ata nuk dëshirojnë të luajnë. Do të jetë një sezon i vështirë deri në fund me gjashtë ndeshjet e mbetura. Shpresoj se sezonin tjetër ata do të zgjohen”, ka thënë tejet i nervozuar Hiddink.
“Sidoqoftë, lojtarët duhet të vazhdojnë të luajnë e të jenë të kujdesshëm ndaj City, që janë të vështirë për t’u mposhtur”, ka shtuar Hiddink, cituar nga Express.
