Jupp Heynckes duke bërë shaka ka thënë se Toni Kroos duhet ta përfundojë karrierën. Ish-trajneri i Bayern Munich, Jupp Heynckes, ka lavdëruar Toni Kroosin, me të cilin ka punuar për disa vite në “Allianz Arena”, transmeton Gazeta Express.
Ai mendon se pasi Kroos ka fituar gjithçka me klube dhe Kombëtare, duhet t’i japë fund karrierës.
“Me 27 vjet ai ka fituar tre herë Ligën e Kampionëve, Kupën e Botës dhe shumë tituj tjerë. Ka fituar gjithë titujt e mundshëm, kështu që duhet ta përfundojë karrierën”, tha duke bërë shaka Jupp Heynckes.
“Toni është strategjik, ai është zhvilluar shumë si lojtar në Real Madridi dhe po luan ashti siç do të dëshironte çdo trajner”, shtoi ish trajneri i Bayern Munich e Real Madridit, që ka fituar Ligën e Kampionëve me dyja klubet.
“Ai është padyshim një ndër tre mesfushorët më të mirë në botë dhe se bashku me Casemiron e Luka Modricin, përbëjnë mesfushën më të mirë në Evropë”, përfundoi Heynckes, përgatiti “Express”. (b.an)
