Partia Demokratike ka dorëzuar sot në Kuvend projektligjin e saj, nëpërmjet të cilit do të kërkojë hetim ndërkombëtar për çështjen e CEZ. Projektligji “Për lejimin e hetimit ndërkombëtar për akuzat e bëra publike për çështjen CEZ” është depotizuar sot në Kuvend si propozimi Grupit Parlamentar të PD-së.
Përfaqësuesit e opozitës kërkojnë nga Kuvendi të miratojë një ligj të posaçëm që të përcaktojë rregulla që të garantojnë hetimin e pavarur me prokurorë të huaj për të hetuar faktet publike në lidhje me akuzat e bëra publike për çështjen e CEZ.
Ndërkohë që paralelisht me të përfaqësuesit e opozitës do t’i drejtohen me një kërkesë Gjykatës Kushtetuese për shfuqizimin e marrëveshjes së qeverisë shqiptare me kompaninë CEZ.
Ndërkohë që pak momente para dërgimit të ligjit në Kuvend, kreu i PD-së Lulzim Basha ka zhvilluar një takim me ambasadorin amerikan Donald Lu.
