Pas deklaratës së fortë nga Ambasada e SHBA-së në Tiranë në lidhje me punën e Policisë së Shtetit dhe SPAK-ut, edhe vetë ambasadorja Yuri Kim ka folur mbi këtë çështje.
Duke i qëndruar reagimit zyrtar të Ambasadës, Yuri Kim shprehet në Twitter se rastet e rëndësishme shpesh shoqërohen me fushata të shtrenjta, për të mohuar të vërtetën, për t’i shpëtuar drejtësisë. Ambasadorja Kim bën të qartë se puna e SPAK dhe drejtësisë ka të bëjë me dënimin e kriminelëve të njohur.
Këto deklarata të forta nga Ambasada e SHBA-ve, vijnë pas akuzave të forta ndaj SPAK pas hetimit dhe sekuestrimit të pasurive të Ylli Ndroqit.
Postimi i plotë:
Rastet e rëndësishme shpesh shoqërohen me fushata të shtrenjta për të hedhur dyshime dhe konfuzion, për të blerë ndikim, për të mohuar të vërtetën, për t’i shpëtuar drejtësisë. Le të jemi të qartë: kjo ka të bëjë me dënimin e kriminelëve të njohur – asgjë më shumë, asgjë më pak. Ne mbështesim fuqimisht SPAK & ASP.
/e.rr
