Policia e Tiranës ka dalë në përfundimin se Artur Kurti nuk është vrarë nga i biri, por nga vëllai i gruas.
Mësohet se blutë e kryeqytetit kanë prangosur sot Leonard Ristanin, i cili gjithashtu është plagosur nga përleshja e mbrëmshme.
Sipas policisë, thika ishte e Kurtit ndërsa në të janë gjetur gjurmët e gishtave të Ristanit. Policia ka shoqëruar gjithashtu të birin e viktimës për të sqaruar rrethanat e ngjarjes. Mbi të mund të rëndojë akuza e bashkëpunimit, ndërsa Artur Kurti ishte bërë problem për ish-bashkëshorten Shpresa dhe i kërkonte asaj tërheqjen e divorcit.
