Kur ka kaluar më shumë se 1 muaj nga ekzekutimi mafioz i ish-drejtorit të policisë Artan Cuku, grupi hetimor ende nuk identifikuar autorin e krimit, edhe pse janë siguruar prova shpresëdhënëse për sukses në këtë hetim. Në lidhje me dosje, po kryhen veprime intensive hetimore ndërkohë burimet e JavaNews bëjnë me dije se prokuroria është mjaft pranë identifikimit të autorit të krimit të rëndë.
Hetuesit konfirmojnë se kanë gjetur prova biologjike që mund të çojnë drejt identifikimit të vrasësit. Mësohet se Policia Shkencore është duke ekzaminuar një bluzë të gjetur në zonën ku u krye krimi. Referuar verifikimeve të kamerave të sigurisë, rezulton se bluza i përket pikërisht autorit të krimit.
Ajo ishte hedhur në një kosh plehrash rreth 500 m larg vendngjarjes pasi autori ekzekutoi me disa plumba ish-komisarin Cuku. Kjo gafë duket se do t’o kushtojë rëndë vrasësit profesionist. Mësohet se nga bluza policia shkencore ka arritur të sigurojë material gjenetik të personit në fjalë. Tashmë mbetet vetëm të identifikohet se kujt i përket, një proces që pritet të zgjasë nëse personi nuk ëhstë i skeduar në bazën të dhënave të policisë për vepra të tjera.
Për momentin burimet tregohen të rezervuara në këtë drejtim. Ende nuk jepet informacion pasi po kryhen disa verifikime rreth motiveve të krimit dhe bashkëpunëtorëve të mundshëm. Ndërkohë, në polici kanë mbërritur qindra telefonata në lidhje me identitetin e mundshëm të autorit. Policia shpërnbdau dy video pas krimit ku shfaqej autori dhe kërkoi ndihmë nga qytetarët për identifikimin e vrasësit të Artan Cukut./JavaNews/a.m.
