Një ditë pasi lëshoi disa urdhër arreste, spak ka nisur edhe hetimin pasuror për të arrestuarit që akuzohen për grup të strukturuar kriminal dhe kontrabandë.
Mes të arrestuarve është edhe shoferi i Ministrise se Brendshme Sokol Idrizaj. Ky i fundit bashkëpunonte me pronarw argjendarish, shumica prej tyre në Tiranë dhe me aktivitet shitjen e sendeve me vlerë, si bizhuteri dhe aksesor.
Burime pranë SPAK konfirmojnë se ka nisur identifikimi i tyre me qëllim hetimin e burimit të të ardhurave dhe nëse rezultojnë të krijuara nga aktiviteti kriminal, do të përgatitet kërkesa për ti kërkuar gjykatës vendosjen nën sekuestro.
Mes personave ndaj të cilëve janë ekzekutuar urdhërat e arrestit janë edhe Elda idrizaj, bashkëshorja e Idrizajt si dhe dy vajzat e Sokol Idrizajt, njëra prej tyre në arrest shtëpie dhe tjetra në detyrim paraqitje.
Ndërsa të arrestuarit e tjerë janë Vangjush Kashari biznesmen në shitjen e sendeve me vlere, Agustin Mesuli , Altin Doda , Florjan Bakri dhe Tomor Baruti .
Operacioni u zhvillua në Tiranë, Lezhë, Shkodër e Dibër. këta persona merrnin ora dhe sende te tjera të vjedhura nga jashtë vendit dhe i sillnin në Shqipëri.
Të arrestuarit akuzohen për kontrabandë mallrash, mosdeklarim te të hollave në kufi dhe grup të strukturuar kriminal.
SPAK ndërkohë po punon për zbulimin e personave të tjerë të përfshirë në këtë rrjet.
/a.r
