Nga Denisa Daka*
Po dilja nga gjykata mesditen e te enjtes, kur nje lajm i befte me tronditi jo vec mua.
Nje koleg i nderuar ish rrahur barbarisht prane Gjykates se Durresit, prane vendit ku jepet drejtesi, pa asnje shkak apo per shkakun e vetem se kish dale ndesh me interesa te ngushta te klaneve te caktuara.
Nje situate e rende dhe e paprecedent goditi jo per te paren here, gjithe komunitetin tone.
“Kunderveprova sa munda” deklaroi kolegu yne para kamerave i fashuar…ndersa ne kete rast pervec dhimbjes e revoltes se tij, gjithkush lexoi ne ato pak sekuenca, pafuqine e hallkave te ketij zinxhiri te sistemit te drejtesise, ne mbrojtje e sherbim te qytetareve te ketij vendi dhe ne rastet e ushtrimit te detyres.
Ruajna Zot ne c’vend jetojme.
Ato grushta ate mesdite, rane mbi te gjithe ne.
Te gjithe bashke punojme ne nje terren te veshtire e aspak te sigurte, pa asnje garanci se dita jone mund te keputet befas pa shkak, pasi ky vend prodhon krim e gjeneron dhune paprere ne perditshmerine e te gjitheve.
E gjitha c’ka ndodhi dy dite me pare prane tempullit te drejtesise nuk eshte thjesht nje ngjarje, nuk shpertheu as ne kete rast as befas dhe as rastesisht, e gjitha tregon qarte tensionet e brendshme te cilat gjenerojne dhune mes te gjitheve ne kete vend.
Kjo eshte dhe duhet te jete nje kembane alarmi pasi qytetaria pervec avokateve e me gjere, po goditet rende cdo dite.
Dhuna dhe barbaria nuk po kursen askend ne kete shoqeri, ndersa ky fenomen po merr cdo dite jete njerezish edhe gjate kryerjes se detyres.
Konsideroj te patolerueshem dhe te pafalshem shurdherine e insitucioneve dhe personave te veshur me pushtet gjithashtu, pergjegjes kryesore per parandalimin e ndeshkimin e ketyre akteve te renda, c’ka e bejne te paprecedent nga cdo pikepamje dhe kete rast.
Hesht Prokurorja e Pergjithshme prej kaq ditesh, megjithese kolegu yt ben nje akuze te drejperdrejte per perfshirjen ne kete krim te nje prokurori qe i perket nje prokurorie te rendesishme ne vend.
Hesht Ministria e Brendshme, Ministria e Drejtesise, Unioni I gjyqtareve ai i Prokuroreve, Presidenti i Republikes, Kryeministri, por dhe organizmat e huaja, te cilat jane vendosur ketu (dashte zoti) per te mundesuar nje standart te pranueshem drejtesie e qytetarie ne kete vend.
Te gjithe pothuaj heshtin ndersa ndergjegja qytetare eshte larg te qenit ne standartet e duhura, duke suportuar (pa) dashje nje terren ku krimi perparon e mban peng cdo dite sigurine e qetesine te gjitheve.
Denoj ashper dhunen kundra kolegut tone dhe kerkoj gjithashtu nga organet kopetente, procedimin sa me pare te autoreve te kesaj ngjarje.
Strukturat shteterore perkatese duhet te reflektojne sic duhet duke ndermarre hapat e duhura sa me pare, ne menyre qe te vendoset nje standart i gjithepranuar, ne mbrojtje te jetes dhe sigurise se avokateve ne ushtrim te detyres se tyre.
Ky zinxhir heshtje duhet te thyhet e kjo shoqeri duhet te reagoje medoemos qe ne te mund te dalim nga ky qerthull i rrezikshem.
Eshte i pajustifikueshem dhe i papranueshem mosveprimi apo deshtimi i insitucioneve pergjegjese ne cdo rast.
Eshte detyre legjitime e shtetit te mbroje avokatet, integritetin fizik te tyre, duke i trajtuar keta te fundit me respekt e dinjitet te gjithe bashke. Heshtja apo mosveprimi kryesisht, i vret te gjithe…
*ANETARE E KESHILLIT DREJTUES TE DHOMES KOMBETARE TE AVOKATISE
