Dy grupe kriminale shqiptare të përfshira në trafikun e drogës, që mbështesnin aktivitetin e tyre edhe te bashkëpunëtorët italianë, janë dërguar pas hekurave nga autoritetet italiane.
Sipas mediave përtej Adriatikut, dy grupet trafikonin në Itali heroinë të blerë në Shqipëri, nëpërmjet portit të Barit në Pulia, dhe më droga shpërndahej në sheshet e qyteteve si Crotone, Catanzaro dhe bashkitë e vogla fqinje.
Në aksionin policor që çmontoi këtë aktivitetet kriminal u arrestuan 13 persona, pjesërisht shqiptarë dhe pjesërisht të komunitetit rom të Catanzaros.
Hetimet që janë kryer përfshijnë përgjime telefonike dhe ambientale, por edhe shërbimet e vëzhgimit që kanë çuar në kontrolle të shumta në territor.
Gjatë gjithë hetimeve janë arrestuar ose ndaluar gjithsej 34 persona , ndërsa janë sekuestruar në mënyrë të paligjshme 45 kilogramë drogë përfshirë heroinë dhe marihuanë, 18 mijë euro cash dhe dy armë.
/a.r
