Një hemorragji që mund t’ju ndodhë spontanisht apo pas një traume mos e neglizhoni, por bëni një konsultë me specialistin. Mund të jetë tregues i hemofilisë. Apeli I mjekëve vjen në kuadër të ditës botërore të kësaj sëmundje.
Ky çrregullim i mpiksjes së gjakut është i trashëgueshëm dhe vjen për mungesë të faktorëve të koagulimit, proteinave që kontrollojnë dhe ndalojnë gjakrrjedhjen në organizëm. Femrat mund ta bartin ndërsa meshkujt sëmuren.
Hemofilia është një sëmundje e rrallë e gjakut, por në Shqipëri është e përhapur në të gjithë vendin. Mjekja pediatre pranë Qendrës Kombëtare të Hemofilisë QSUT, Daniela Nika tregon se 254 persona vuajnë nga kjo sëmundje mes tyre 67 janë fëmijë.
Hemofilia mbahet nën kontroll duke zëvendësuar faktorin e gjakut që mungon. Për të rritur cilësinë e jetës së pacientëve të sëmurë në Qendrën Spitalore “Nënë Tereza” ka nisur trajtimi parandalues.
Hemofilia mund të bëhet kërcënuese për jetën nëse nuk zbulohet herët dhe nuk mbahet nën kontroll.
TABELA 1
Hemofilia A të rritur 157 pacientë
fëmijë 60 pacientë
Hemofilia B të rritur 30 pacientë
fëmijë 7 pacientë
TABELA 2
PACIENTË ME HEMOFILI
Tiranë 90 pacientë
Elbasan 37 pacientë
Fier 24 pacientë
Durrës 23 pacientë
Vlorë 16 pacientë
Gjirokastër 14 pacientë
Berat 10 pacientë
Shkodër 10 pacientë
Korçë 8 pacientë
Kukës 8 pacientë
Lezhë 8 pacientë
Dibër 6 pacientë /abcnews/
/b.h
