Thuajse një vit më parë, u helmua me fostoksinë 48-vjeçarja Lirije Lami. Fillimisht ngjarja ishte klasifikuar si vdekje për shkaqe natyrore, por ditën e djeshme u zbardh e vërteta pas hetimeve të gjata për rastin.
Policia arrestoi ish-nusen e djalit të viktimës, 21-vjeçaren Marjana Cmeta. Po ashtu në pranga u vu edhe ish-vjehrri i saj, Hoxha i zonës dhe një i afërm për “moskallëzim krimi”.
Një ditë pas arestimit, ka reaguar xhaxhai i 21-vjeçares. Ai ka deklaruar se mbesa e tij ëhtë e pafajshme dhe se fmailja Lami po hedh baltë ndaj saj.
“Vajza është e pafajshme, akuzat janë të pavërteta. Familja Lami po hedh baltë mbi vajzën tonë. Marjana nuk mund ta ketë bërë këtë veprim. Fillimisht i vunë për dashnorë të gjithë meshkujt e fisit e më pas pasi nuk doli kjo, shpikë këtë histori. Lirije Lami ka tentuar të vetëhelmohet edhe më parë”, ka deklaruar Selim Cmeta.
Lidhur me zbardhjen e regjistrimit audio ku ish-nusja pranon para Hoxhës vrasjen e vjehrrës, xhaxhai i saj thotë se është deformuar.
Sipas tij mbesa ka thënë se “Zoti t’ia falë mëkatet vjehrrës”.
“Marjana ka shkuar te hoxha me vjehrrin dhe të vëllain. Ka thënë veteëm kaq: Vjehrrës Zoti ja faltë mëkatet. Jo gjë tjetër. Marjana eshte një vajzë besimtare ka mbaruar Medresenë dhe preket shpejt nuk mund ta ketë bërë këtë veprim,” ka thënë xhaxhai.
Ai tha se shkak i divorcit të mbesës është bërë dhuna nga bashkëshorti./a.m.
