Pas ngjarjes së rëndë që ka ndodhur në Peshkopi, ku 150 persona u helmuan për shkak të ushqimit në pastiçerinë e qytetit, Autoriteti Kombëtar I Ushqimit ka bllokuar dyqanin dhe ka nisur tashmë hetimet.
Policia nga ana e saj gjithashtu ka nisur hetimet për të zbardhur shkaqet e helmimit. Pistat janë fokusuar në përmbajtjen e pastave dhe ushqimeve të tjera të pastiçerisë, por edhe tek uji që ofronte pastiçeria.
Nga 150 të helmuarit, 50 prej tyre janë fëmijë dhe 12 nga këta janë shtruar në spital ndërsa të tjerët pasi kanë marrë ndihmën e parë janë larguar për në banesë.
Qytetarët janë paraqitur në spital me shenja të vjellash 2-3 ditët e fundit./b.d
