Sipas njoftimit të Ministrisë së Shëndetësisë bëhet me dije se kanë dalë nga spitali të gjithë nxënësit të cilët ishin raportuar më herët se kanë shkuar në ambientet spitalore të helmuar.
Sipas ministrisë, të gjithë nxënësit e gjimnazit “Janaq Kilica” që janë helmuar kanë lënë sot ambientet e spitalit.
Njoftimi i Ministrisë së Shëndetësisë:
Informacion i përditësuar
Ngjarja në Fier, dalin nga spitali të gjithë nxënësit
Pak minuta më parë ka lënë spitalin edhe nxënësit e fundit që po mbaheshin në observim në spitalin rajonal të Fierit, si pasojë e intoksikimit në ngjarjen e ndodhur në shkollën “Janaq Kinica”.
Pasi kanë marrë trajtimin e duhur mjekësor, të gjithë nxënësit kanë lënë spitalin.
Gjatë ditës së sotme, spitali rajonal i Fierit trajtoi rreth 60 nxënës me shenja të intoksikimit dhe neuroza paniku. Sipas mjekëve, gjendja e tyre shëndetësore paraqitet e mirë.
