Ditën e djeshme qarkulloi një lajm në një media e cila i referohej një statusi në rrjetin social të një gazetari që aludonte për faktin se helikopteri që u rrëzua ditën e djeshme në shkodër, në fakt po transportonte mermer për një vilë të Ministres Kodheli. Ky lajm u publikua edhe sot nga Ish kryeministri Berisha, i cili shkruante se nëse diçka e tillës është e vërtetë, atëherë kjo përbën një krim shtetëror.
Por përmes një tjetër statusi, gazetari lokal, me emrin Elvis Nabolli, të cilit i janë referuar portali online dhe Berisha, ka dhënë një sqarim. Ai thotë se helikopteri që ka transportuar mermer, në fakt ka qenë i një firme private.
“Sqarim* NShkoder te merkuren kane leviz me shume se 1 helikopter. Njeri prej tyre i nje firme private ka transportuar mermer drejt Vermoshit dhe nuk ka lidhje me ngjarjen e ndodhur te helikopterit te FA ku tragjikisht humben jeten 2 pilotet. Askush nuk ka censuruar fjalen time e sidomos aty ku punoj. Askush nuk ka kercenuar kend.”- shkruan Nabolli, i cili ditën e djeshme hoqi statusin ku aludonte për mundësinë se helikopteri ushtarak mund të kishte me vete mermer në momentet kur u rrëzua.
Heqja e statusit nga ana e gazetarit, u konsiderua nga portali online (Syri.net) si një tentativë e qeverisë për ti mbyllur atij gojën.
Ja cfare shkruante Berisha ne statusin e tij
Shkodra zien dhe gumezhin per rrezimin e helikopterit!
Qeveria perpiqet te fshehe shkaqet dhe rrethanat?!?!
Te dashur miq, helikopteri qe u rrezua dhe ra dje ne liqenin e Shkodres, ne te cilin humben jeten dy pilotet, duket se transportonte meremer per ne rezidencem malore ne Vermosh te Mimi Kodhelit! Ne rast se kjo eshte e vertet kemi te bejme me nje krim te shemtuar shteteror. Qeveria po ben gjithćka per te fshehur shkakun e vertet dhe rrethanat e rrezimit te helikopterit, pra per ti mbuluar me heshtje dhe per ti lene ato ne fund te liqenit..
Gazetari Elvis Nabolli qe jep kete lajm ne FB e tij, kercenohet me jete dhe detyrohet te heqe statusin nga FB. Neo-bllokmeni Ilir Beqja kercenon fizikisht gazetarin e Zerit te Amerikes ne spital tek i plagosuri. Nderkohe portali syri.net jep nje video qe tregon se helikopteri eshte ndalur ne nje lendine prane doganes se Hanit te Hotit (mundet per te marre ngarkese?) dhe prej aty eshte nisur per udhetimin fatal.
Ndaj peshkatarve qe arriten te paret ne vendngjarje dhe banoreve te zones po ushtrohet dhune qe te mbyllin gojen. Per te fshehur te verteten, jane konfiskusr edhe celularet e peshkatareve dhe banoreve sepse mund te kene rregjistruar pamje kompromentuese.
Sot urgjent parlamenti duhet te ngreje komisioninin e verifikimit me cdo kusht te ketyre te dhenave tejet tronditese.
I bej thirrje presidentit te Republikes te shfrytezoje te gjithe kompetencat e tij per te verifikuar rrethanat dhe shkakun e kesaj tragjedie! sb
