Transporti hekurudhor duket se është në epokën më të keqe të mundshme. Statistikat tregojnë për një rrjet të lënë pas dore, pa interes për të udhëtuar apo transportuar mallra. Për vitin 2021, një përmbledhje e Insitutit të Statisitikave tregon se trenat në vend përshkojnë në një rrjet me gjatësi 224 km, në 3 linja shërbimi.
Këtë vit, 24.000 pasagjerë kanë përdorur transportin hekurudhor si mjet për udhëtim, thënë ndryshe 2000 pasagjerë në muaj, ose 67 në ditë.
Edhe transporti i mallrave është regjistruar në shifra të ulëta, ku qarkullimi i brendëshëm zuri rreth 12% të volumit, ndërsa lëvizja e mallrave në rajon ishte ndjeshëm më e lartë.
Deri në vitin 2015, transporti hekurudhor i mallrave realizohej vetëm nga Hekurudha Shqiptare sh.a ndërkohë në vitin 2016, filluan të operojnë edhe subjekte private në transportin hekurudhor të mallrave.
Në 2021, transporti i kryer nga subjektet private zë pjesën më të madhe të transportit hekurudhor të mallrave në vend me 88% në ton dhe 77% në ton-km. Sipas klasifikimit 88% të mallrave të transportuar me hekurudhë e zënë qymyri dhe linjiti, nafta bruto dhe gazi natyror si dhe 10 % janë produkte metalike dhe të minierave dhe produkte të tjera të guroreve.
/monitor/
