Të paktën 6 persona mbetën të vdekur, kur një sulmues vetëvrasës hodhi veten në erë në një dasmë në lindje të Afganistanit.
Sipas zyrtarëve afganë, sulmuesi ishte një djalë i ri i cili shpërtheu eksplozivët brenda shtëpisë së komandantit të policisë pro-qeveritare, në qarkun Paçeragam. Malek Tor, komandanti , i cili udhëheq një grup që lufton kundër talebanëve dhe grupit ekstremist Shteti Islamik, ishte targeti i shënjestruar i këtij sulmi.
Autoritetet vendase kanë deklaruar se të paktën 40 persona të mbetur të plagosur, janë dërguar menjëherë në spital. Ndërkohë, përgjegjësinë e këtij sulmi nuk e ka marrë ende asnjë grup.
