Deputetja e Kuvendit të Kosovës nga radhët e AAK-së, Tueta Haxhiu, ka kundërshtuar gjuhën e përdorur nga deputeti Sllavko Simiç, shef i Grupit Parlamentar të Listës Serbe. Ai tha se janë konsultuar me kryeministrin e Serbisë, Aleksandër Vuçiç për kthimin e tyre në Kuvend.
“Kush është Aleksandër Vuçiç këtu. Nuk mund të tolerohet kjo gjuhë. O mbroni interesat e serbëve këtu në Kosovës o shkoni në Beograd zgjidhuni deputetë. Nëse jeni deputetë të interesave të qytetarëve serbë në Kosovë përfaqësoni ato interesa, e jo të Vuçiçit”, ka thënë Haxhiu, përcjell koha.net.
“Dy tre deputetë të listës Serbe po luajnë me ndjenja tona, dhe ju kryetar po lejoni të keqpërdoret foltorja”, ka thënë ajo.
Me të përfunduar fjalën e saj Haxhiu, i është përgjigjur kreu i Kuvendit, Kadri Veseli.
“Me pas qenë në shekullin XIX e kishim shpall edhe njëherë pavarësinë e vendit. Me këtë gjuhë veç po e dëmtoni më shumë Kosovën”, ka thënë Veseli, citohet Koha. (b.an)
