Deputeti i LSI-së, Edmond Haxhinasto i ftuar në “Arena” në Ora News, u shpreh se vendimi për lënien e mandateve është një situatë ekstreme.
Ai u shpreh se OSBE ka 20 vite që merret me reformën zgjedhore dhe reforma zgjedhore nuk u bë asnjëherë që të krijonte zgjedhje të pakontestueshme.
Pjesë nga diskutimi:
Haxhinasto: Lëshimi i mandateve është një situatë ekstreme por kjo ka ardhur pas një vlerësimi që edhe situata politike është në një situatë ekstreme. Është vënë në diskutim legjitimiteti i Parlamentit. Është provuar nga disa institucione, nga OSBE-ja.
Hila: OSBE ishte më drastike, kur tha cenon themelet e demokracisë.
Haxhinasto: Patjetër që këto organizata kanë edhe përgjegjësitë e tyre shumë të mëdha. OSBE-ja veçanërisht. Ka 20 vite që merret me reformën zgjedhore dhe reforma zgjedhore nuk u bë asnjëherë që të krijonte zgjedhje të pakontestueshme.
E.Xh./
