Ministri i Transportit dhe Infrastrukturës, Edmond Haxhinasto inspektoi të shtunën punimet që po kryhen për ndërtimin e rrjetit të ri të ujësjellësit Berat-Kuçovë, një projekt prej 7, 5 milionë eurosh, investim ky i qeverisë shqiptare dhe bankës gjermane për zhvillim KfW.
“Ky investim do të ketë një impakt të jashtëzakonshëm për furnizimin e qytetit të Beratit dhe atij të Kuçovës”, deklaroi ministri Haxhinasto, ndërsa shtoi se ndërtimi i këtij rrjeti do të përmirësojë ndjeshëm cilësinë e ujit .
Ministri theksoi edhe rëndësinë e projektit në kuadër të zhvillimit të turizmit, pasi si] tha ai, në zonën muzeale të qytetit të Beratit ka ende depozita të shumta mbi pallate. Sipas tij, ky investim do të ulë ndjehsëm edhe nivelin e humbjeve, që aktualisht llogaritet 71 %.
Gjatë vizitës së tij në Berat, kreu i MTI-së u takua edhe me përfaqësues të pushtetit lokal, të cilëve u dorëzoi inventarin e plotë të të gjitha rrjeteve për këto dy bashki.
