Besnik Hasi, trajner i Olimpiakosit, Greqi, me lojtarët e ekipit të vet ka bërë provën e përgjithshme, raporton Koha.net.
Dje, ekipi i tij është ndeshur me ekipin e superligës greke Asteras nga Tripolisi dhe ndeshja ka përfunduar me rezultatin – 1:1. Duke njoftuar për këtë, “Novosti online thotë se ” trajneri Hasi nuk është në të njëjtat valë me fansat e ekipit të tij”.
“Unë jam nga Kosova, nga Shqipëria”, ka thënë Hasi gjatë promovimit të vet para lojtarëve.
Por , në prag të duelit, transmeton ky medium serb, i cili habitet pse Besnik Hasi kudo e thekson me krenari përkatësinë e vet etnike, shqiptare, tifozët kuq e bardhë të Olimpiakosit, të cilët kanë paralajmëruar duele me Partizanin e Beogradit në Ligën e Kampionëve, ndër parulla të tjera kanë pasur edhe atë “Kosova është Serbi”. (b.an)
