HARTA/ Mirësevini në qytetin e Berluskonit, Zogut të Parë dhe NATO-s
Imagjinoni një qytet ku rruga kombëtare që përshkon qytetin mban emërtimin “Blu”. Më pas rruga tjetër kryesore që pritet me të, të quhet “Bulevardi Berisha”. Më tej akoma, imagjinoni që rrugët të mbajnë emrat “Berluskoni”, “Toni Bler”, “Rrësheni”, “OSBE”, “Harku i Triumfit”, “Luanda”, “Kingstoni”, “Roskoveci”, “John F.Kenedy”, “Kumanova”, “Kopenhagen”, “Brukseli”, “Mamurrasi” etj etj.
Nuk duhet të lodheni shumë. Ky qytet egziston, nuk është pjellë e fantazisë. Madje lista e mësipërme është fare e shkurtër, sepse në qytetin e Kamzës realiteti ja kalon fantazisë. Po botojmë një pjesë të vogël të planimetrisë së qytetit, thjesht për të kaluar kohën e lirë duke u argëtuar me emrat më të habitshëm të rrugëve që mund të mbajë brenda një qytet normal.
