Si e ka titullin ai filmi ku të gjithë aktorët e vjetër të filmave aksion mblidhen dhe shpërthejnë shumë gjëra? Po ai ku Bread Pitt luan vdekjen? Na ka ndodhur të gjithëve të kemi në majë të gjuhës titullin e një filmi dhe thjesht nuk e kujtojmë dot atë. Tani, është një faqe e cila merr gjërat që ju mbani mend nga filmi dhe i përdor ato për të gjetur titullin që ju po mendoni.
Faqja që quhet thjesht “What is my movie” (Cili është filmi im?) u krijua për të shfaqur një nivel tjetër të këtij kërkimi të mjegullt dhe teknologjisë së kërkimit të thelluar, të zhvilluar nga Valossa, një kompani e krijuar nga kërkues shkencor dhe inxhinierë të universitetit Oulu në Finlandë.
“Ne aspirojmë të krijojmë një mënyrë të re përshkruese të kërkimit të videove,” tha skuadra në faqen e saj të internetit. “Teknologjia jonë kupton përmbajtjen e vet videos. Duke filluar nga teksti deri te motivet, ne kemi arritur në të dhëna të cilat nuk kanë qenë të kërkueshme më parë.”
Në faqe shkruhet gjithashtu, “Whatismymovie.com është krijuar nga mësuesit e teknologjisë në Valossa që i ka rrënjët në kërkimet mbi Shkencën Kompjuterike dhe Inxhinierinë të zhvilluara në Universitetin Oulu. Ne kemi njohuri të zgjeruara kërkimi mbi njohjen automatike të përmbajtjes dhe analizës së të dhënave video. Demonstrimet në këtë faqe janë zhvilluar nga kërkuesit për qëllime kërkimore dhe si provë e konceptit ‘Deep Content’ të kompanisë.”
Teknologjia “Deep Content” analizon përmbajtjen e videove në një mënyrë që motorët tipik të kërkimit nuk munden, dhe ajo përdor këto të dhëna për të ofruar ngjashmëri të mahnitshme edhe kur termat e dhëna të kërkimit janë shumë të paqarta.
