Kryetari i Partisë së Lirisë, Ilir Meta ka reaguar pasi ministri i Mbrojtjes, Niko Peleshi u kërkoi banorëve në Dushkarak të Selenicës të evakuohen nëse kjo është kërkesë e autoriteteve.
Meta ka thënë se Shqipëria po digjet sepse qindra milonë euro vidhen përmes inceneratorëve, ndërsa vendi nuk ka mjete për të luftuar me zjarret.
Reagimi i Metes ka ardhur dhe pas braktisjes qe i beri protestes per tragjedine e ndodhur ne Himare ku humbi jeten Jonada Avdia 7 vjece dhe kur vete kreu i PL kishte promovuar se pikerisht ne protesten e sotme do te rrezonte qeverine e Rames! Gjeti kauze te re, zjarret dhe sulmin ndaj ministrit te Mbrojtjes!
Reagimi i plotë:
BRAKTISNI VJEDHJET, QË QYTETARËT TË MOS BRAKTISIN SHTËPITË!
Është gjëja më e lehtë t’u bësh thirrje qytetarëve në momentin e fundit të braktisin shtëpitë.
Të gjithë e dinë që vendi ynë është i ekspozuar ndaj zjarreve, por asnjë masë nuk merret për parandalimin, sinjalizimin dhe ndërhyrjen në kohë për t’i mbajtur nën kontroll. I njëjti avaz përherë i nënvlerësimit të situatës, derisa zjarri u afrohet shtëpive.
Kur do e braktisë Qeveria indiferencën dhe papërgjegjshmërinë për parandalimin e zjarreve?
Pse është në këtë gjendje inekzistuese flota ajrore e ushtrisë tonë?
Pse nuk blihen që në fillim të vitit orëfluturimet e avionëve kundër zjarreve?Pse gjithmonë do të shohim në media vetëm disa ushtarë me lopata dhe fshesa kundër zjarreve?
Shqipëria po digjet sepse qindra milonë euro vidhen përmes Djegësave fiktive (inceneratorëve).
Shqipëria po digjet nga zjarret në verë sepse përvëlohet nga korrupsioni qeveritar në të katër stinët papushim.
