Mesazh përbashkimi në ditën e 106 vjetorit të Pavarësisë së Shqipërisë ka përcjellë edhe kryeministri i Kosovës, Ramush Haradinaj.
Në një postim në fb, Haradinaj thotë se sot shqiptarët të gjithë me zemër janë një.
Duke vlerësuar sakrificën ndër breza dhe nderuar të rënët në kohë e përpjekje të ndryshme për liri, pavarësi e dinjitet kombëtar, Haradinaj përkujton edhe ditëlindjen e heroit legjendar të UÇK-së, Adem Jashari.
“Të nderuar bashkëkombas,
Sot, jemi NJË në zemër, ashtu siç ishim e do të jemi gjithmonë.
Dita e Flamurit, shënon rimëkëmbjen tonë, na kujton nepër shekuj se kush jemi dhe na mbanë bashkë si komb.
Në këtë ditë të veçantë, që koincidon me daljen në skenë të UÇK-së dhe ditëlindjen e Komandantit Legjendar Adem Jashari, kujtojmë sakrificën e shumë brezave dhe nderojmë veprën e të rënëve në kohë e përpjekje të ndryshme për liri, pavarësi e dinjitet kombëtar.
“28 Nëntori” i bekuar, është historia jonë e lavdishme dhe synimi ynë për të ardhmën e përbashkët në vlerën euro-atlantike.
Urime festa e përjetësuar ndër shqiptarë!”
