Kreu i AAK-së, Ramush Haradinaj ka reaguar në llogarinë e tij në Facebook pas rezultatit të shfaqur nga ekspertët ndërkombëtarë rreth demarkacionit me Malin e Zi.
“Për tokën tonë, nuk i japim llogari askujt. Respekt secilit, por Kosova është Kosovë, dhe kufiri është në kufi, atje ku ka qenë, në Çakorr dhe në Kullë të Zhlepit”, ka shkruar Haradinaj, transmeton Koha.net.
Sipas Haradinajt, “mirë se vjen kushdo që vjen në Kosovë, por kufijtë tanë i caktojmë vetë”, por që ai shton se ka kaluar koha, kur në emër të stabilitetit, priten hartat me gërshërë.
“E vërteta për kufirin me Malin e Zi, do të zbardhet në ditën që burgosen ata që e zbritën vijën kufitare për disa kilometra brenda territorit të Kosovës”, ka përfunduar Haradinaj.
