Kryeministri i Kosovës Ramush Haradinaj, ishte i ftuar mbrëmjen e djeshme në Klan. Ndër të tjera kryeministri foli edhe për çështjen e kontrollit në kufirin midis Shqipërisë dhe Kosovës, ndërsa bëri një premtim.
Moderatori Ermal Mamaqi u shpreh i pakënaqur që në kufi ka dy pika kontrolli dhe kryeministri Haradinaj tha se nga janari Kosova do t’i heqë ato.
“Sikur thamë që do i heqim kufijtë mes Shqipërisë dhe Kosovës, do bëhemi një. Dikur ishte një pikë ndalese dhe sa më shihnin më lejonin të kaloja pa ma parë fare pasaportën. Ndërsa tani më marrin pasaportën por ma marrin edhe këta të Shqipërisë edhe ata të Kosovës. Keni vendosur 2 ndalesa në kufi”, u shpreh Ermali.
Haradinaj u shpreh se nga 1 janari kosova do i heqe kontrollet
“E panevojshme. Kosova do t’i heqë ato pengesa. Edhe ato kabinat e vogla, çdo gjë. Nga janari nuk do jenë më”, u përgjigj kryeministri.
I pyetur se nëse bashkohet Shqipëria dhe Kosova, kush do ta japi dorëheqjen Haradinaj apo Rama, kryeministri i Kosovës, tha, se është ai që do të hiqte dorë nga posti i tij.
Ermal Mamaqi: Nëse bashkohet Shqipëria dhe Kosova, kush do ta japi dorëheqjen ti apo Rama?
Ramush Haradinaj: E jap unë…
Ermal Mamaqi: Ky është një gjest bujarie…
a.ç
