Ka qenë një mbrëmje ndryshe nga të tjerat ajo e djeshme për të rinjtë e LRI-së, të cilët kanë patur fatin të kishin pranë tyre kreun e bashkisë së Tiranës, Erion Velinë së bashku me bashkëshorten por edhe kryetarin e partisë Aleanca për Ardhmërinë e Kosovës, Ramush Haradinaj, i shoqëruar nga bashkëshortja e tij.
Mikpritësi ka qenë kreu i LSI-së, Ilir Meta, i cili së bashku me bashkëshorten, Monika Kryemadhi kanë ofruar për të rinjtë një mbrëmje me gatime tradicionale shqiptare si dhe me këngë e valle.
Në fotot e gazetës “Express” pasqyrohen disa nga momentet e mbrëmjes së djeshme në plazhin e Jalës ku dhe u mbyll kampingu veror i LRI-së.
